З 15 па 20 лютага ў школе прайшоў тыдзень беларускай мовы і літаратуры.

Распачаўся тыдзень выставай літаратурных газет, якую падрыхтавалі вучні 5-11-х класаў. Для настаўнікаў у музеі “Спадчына была арганізавана экскурсія «Беларуская хатка» ”. Вучні 5-х класаў у музеі ўдзельнічалі ў гульні “Куфар ведаў”. Сапраўдная інтэлектуальная барацьба адчувалася у лінгвістычных гульнях, арганізаваных для кожнай паралелі: “Размаўляем па-беларуску”, “Эстафета вясёлых задач”.

19 лютага для педагагічных работнікаў, бацькоў вучняў і дарослага насельніцтва з мэтай папулярызацыі беларускай мовы, удасканалення ведаў удзельнікаў па беларускай мове быў праведзены дыктант і акцыя “Гавары са мной па-беларуску”.Новыя таленты раскрыліся на конкурсе чытальнікаў “Сэрцам роднага словы краніся”.20 лютага было праведзена пазакласнае мерапрыемства “Неруш роднага слова”.