З 19 па 23 верасня прайшоў Тыдзень роднай мовы “Як ты дорага мне, мая родная мова!”.

На працягу тыдня ў школе быў праведзены шэраг тэматычных мерапрыемстваў. Вучні з задавальненнем стварылі воблака слоў “Маё любімае слова па-беларуску”. Самастойна зрабілі паштоўкі і павіншавалі імі настаўнікаў. Для дзесяцікласнікаў была арганізавана літаратурная сустрэча з Надзеяй Іванаўнай Момлік. Таксама былі праведзены экскурсіі, падчас якіх вучні бліжэй пазнаёміліся з культурай і славутасцямі Дзівіна. На працягу тыдня ў школьнай бібліятэцы працавала выстава вучэбнай літаратуры па беларускай мове “Сэрцам роднага слова краніся”. Скончылася святкаванне Тыдня роднай мовы акцыяй “Размаўляй са мной па-беларуску” і квэст-гульнёй “Фальклор, фальклор – душа народа”, пераможцы і ўдзельнікі якіх былі ўзнагароджаны салодкімі падарункамі.