21 лютага ў Дзівінскай сярэдняй школе адзначалі Свята роднай мовы. З самага ранку дзеці, апранутыя ў традыцыйныя беларускія строі, сустракалі ўсіх і прасілі далучыцца да акцыі “Гаворым па-беларуску”. Настаўнікаў запрасілі прыняць удзел у Вялікай беларускай дыктоўцы, а старшакласнікі прынялі ўдзел у экспрэс-віктарыне, асабліва спадабалася дзецям, што яны выкарыстоўвалі свае тэлефоны для расчытвання QR-кодаў.
Для малодшых школьнікаў у музеі быў праведзены базар галаваломак, на якім вучні змаглі выпрабаваць свае сілы ў веданні прадметаў побыту мінуўшыны. Уменне дэкламаваць вершы беларускіх аўтараў было ацэнена на Літаратурным нон-стопе. Для таго, каб дзеці адпачывалі і далучаліся да нацыянальнай музычнай спадчыны, былі праведзены танцавальныя перапынкі. Свята роднай мовы было адзначана весела, голасна і цікава!