З 20 па 25 лютага ў школе прайшоў Тыдзень роднай мовы. Асноўны дзень святкавання адбыўся 21 лютага.

Святкаванне пачалося ўрачыстай сустрэчай і віншаваннем настаўнікаў у фае школы. На перапынках праходзіла акцыя "Залацінкі роднай мовы", дзе ўсё жадаючыя маглі праверыць свае веды па беларускай мове і атрымаць за гэта салодкія падарункі. Навучэнцы прынялі ўдзел у віктарыны "Па старонках роднай мовы", гульні "Адновім мову нанова", склалі воблака слоў "Сузор'е беларускай мовы". Сярод вучняў быў праведзены конкурс чытальнікаў "Беларусь у маім сэрцы". Скончылася святкаванне Дня роднай мовы майстар-класам "Лялька-мотанка" і квэст-гульней "Фальклор - душа народа".
На працягу тыдня для вучняў быў праведзены шэраг мерапрыемстваў: літаратурная сустрэча з Надзеяй Момлік, экскурсіі ў школьны гісторыка-этнаграфічны музей "Спадчына", Святочная пошта , экскурсія ў палац Пуслоўскіх у Косава, інфармацыйныя і класныя гадзіны, прысвечаныя гісторыі свята.